Êrişî Qada Petrolê ya Sersingê ya li navçeya Amêdiyê ya parêzgeha Dihokê hat kirin.
Li nahiyeya Çemankê ya navçeya Amêdiyê ya parêzgeha Dihokê li Qada Petrolê ya Sersingê teqînek çêbû.
Çavkaniyeke fermî ragihand ku ji ber teqînê ziyanên madî hene lê ti ziyanên canî çênebûne.
Kompanyaya Amerîkî ya Petrolê HKNya ku li qadê dixebite di daxuyaniyekê de piştrast kir ku îro derdora saet 07:00an li Qada Petrolê ya Sersingê teqînek çêbûye.
HKNyê her wiha da zanîn ku lêkolîn li ser sedema teqînê tê kirin û got:
“Heta ku em ji ewlehiyê piştrast dibin û nirxandin temam dibe kar li qadê hatiye rawestandin.”
Kompanyayê diyar kir ku ti karmendên wan birîndar nebûne lê agirê ku ji ber teqînê bi derdorê ketiye hîn nehatiye vemirandin û tîm ji bo kontrolkirina agir dixebitin.
Doh bi şev jî Qada Petrolê ya Xurmeleyê ya stratejîk a li Hewlêrê bi 2 dronan hat hedefgirtin.
Li gorî agahiyên ku Rûdawê bi dest xistine, di êrişê de ti zererên canî çênebûne.