Tê gotin ku rêjeya hinartina petrola Îranê ji 2.5 milyon bermîl di rojekê de daketiye 300 hezar bermîlan! Îran jî dibêje, derew e!
Ajansa Reutersê ragihandiye, piştî şidandina dorpêçan niha Îranê herî zêde dikare rojane 300 hezar bermîl petrola xwe bifroşe derve.
Wezîrê Petrola Îranê Bîjen Zengene jî gotiye, raporta Reutersê xelet û derew e, ji ber ku Îran zêdetir ji wê rêjeyê difroşe. Zengene her wiha gotiye, ew nikare hejmara bermîlan bide ji ber ku “bi ziyana Îranê ye!”
Beriya ku Amerîka dorpêçên aborî bi ser Îranê de bisepîne, Îranê rojane 2.5 milyon bermîl petrol difrot.