Grûpên çekdar li Cindirêsê cara sêyemîn e êrişî malbateke Kurd a bi navê Pêşmerg dike.
Di êrişa vê carê de ciwanekî malbata Pêşmergan birîndar bû.
Çalakvanê mafên mirovan Îbrahîm Şêxo ji bajarê Efrînê yê Rojavayê Kurdistanê ji Tora Medyayî ya Rûdawê re ragihand.
Çekdarên grûpa Ehrar El-Şerqiyeyê ya ku Tirkiye piştigiriya wê dike, bi ser mala Pêşmergan a li nahiyeya Cindirêsê de girt.
Di wê êrişê de kurê malbatê Nezmî Eşref Osmanê 15 salî bi kêrê hat birîndarkirin.
Îbrahîm Şêxo destnîşan kir ku ciwanê birîndar, veguhest Nexweşxaneya Biharê ya Efrînê.
Ev cara sêyem e ku endamên grûpên çekdar êrişî malbata Pêşmergan dike.
Ji heman malbatê 4 kes hatibûn kuştin
Roja Yekşema 23yê Tîrmeha 2023yan çekdaran pîrketek li pişta wî xortî da û hewl da bi otomobîlê pê lê bikin.
Roja Yekşema 20ê Tebaxa 2023yan jî careke din çekdaran êrişî wê malbatê kiribû.
Tê zanîn ku 20ê Adara 2023yan, êvara Newrozê, çekdaran 4 kes ji heman malbatê kuştibûn û heta niha jî nehatine cezakirin.