Navenda Nûçeyan- Şeva borî dengê 2 teqînên bihêz li navçeya Kesk a Bexdayê hatin bihîstin û zengilê agahdar kirinê jî li Balozxaneya Amerîkî hat lêdan.
Şaneya Ragihandina Ewlekarîyê ya Iraqê di daxuyanîyekê de ragihand, 2 roketên ji Katoşa li navçeya Kesk ketine, lê zîyanên canî çênebûne.
Êrîşa ser Balyozxaneya Amerîka li Bexdayê piştî wê yekê tê, berî naha Îranê hejmarek navendên leşkerî yên Amerîkayê li Iraqê bi mûşekan kir armanc.
Şeva borî jî, Serokê Amerîka Donald Trump ragihand, ew destê aştîyê ji her alîyekî re dirêj dikin, ku bixwaze aştî bicih bibe, lê rê nadin Îranê bi çalakîyên xwe yên alozîyê berdewam bike.
Trump got, Amerîka naxwaze mûşekên bihêz û çekên pêşketî bikar bîne.