Dadgehê ji ber ku bi wesayita zirxkirî pê li Şahîn Onerê 19 salî kiriye û ew kuştiye, polîs bi 4 sal û 5 meh û 10 roj cezayê girtîgehê ceza kiriye.
Dadgehkirina polîsê ku li Amedê pênc sal berê, Şahîn Onerê 19 salî bi wesayita zirxkirî kuştibû dewam kiriye. Heyeta Dadgeha Cezayê Giran a 1em îro biryara xwe aşkere kiriye.
Heyetê ji ber sûcê ku “bi qisûr kesek kuştiye” polîs bi 4 sal û 5 meh û 10 roj cezayê girtîgehê ceza kiriye.
Çi bûbû?
Di 10ê Sibata 2013ê de li taxa Şehitlikê ya Amedê, xwendekarê lîseyê yê bi navê Şahin Onar di xwenîşandanekê de mir.
Walîtîya Amedê bi daxuyaniyekê diyar kir ku dema wî dixwest teqemeniyekê biavêje di destê wî de teqiyaye.
Serdar Çelebiyê parêzer ji bianetê re eşkere kiribû ku li gor raporên Tiba Edlî Onar ne bi teqemeniyê lê bi lêdana tiştekê hişk miriye.
Şahidên bûyerê li dadgehê diyar kiribûn ku wesayiteka zirxkirî li Onerî daye. (AS/FD)