Li gorî daneyên SGK’ê yên di sala 2020’an de 176 hezar û 662 karker ji ber “Kod-29’ê” ji kar hatin avêtin. Karkerên ku bi Kod-29’ê ji kar tên avêtin nikarin tazminata qidem û îxbarê bigirin û ji diravdayînê jî nikarin sûdê bigirin.
DÎSK-AR’ê daneyên derxistina ji kar ên sala 2020'an ku qaşo derxistina ji kar a karkeran qedexe bû aşkera kir. DÎSK-AR'ê bi vê derxist holê ku çend karker bi hinceta 'Kod-29'ê' ji kar hatine derxistin. Saziya Ewlehiya Civakî (SGK) daneyên ji kar derxistin û dest ji kar berdanê naweşîne. Li gorî daneyên DÎSK-AR’ê bi serlêdana CÎMER’ê ji SGK’ê bi dest xistin di sala 2020’an de 176 hezar û 662 karker ji ber Kod-29’ê ji kar hatine avêtin. Li gorî van daneyan karkerên ku ji kar hatine avêtin 34 hezar û 145 jin in û 142 hezar û 517 zilam in. Karkerên ku bi Kod-29’ê ji kar tên avêtin nikarin tazminata qidem û îxbarê bigirin û ji diravdayînê jî nikarin sûdê bigirin. Wekî din karker nikarin ji diravdayîna Fona Sîgorteya Bêkariyê jî sûdê bigirin. Ji bo ku karsaz mafê karkeran ên tazminata qidem û îxbarê xesp bikin serî li vê rêbazê didin.
Kurdistan Haberleri
Teşkîlata Batmanê ya PWKyê, Li Batmanê, Li Ser Caddeya Gulistanê Jenosîda Helebçeyê Bibîranî
Bi dosyayekê li ser sedsaliya Qamişlo.. Kovara "Soryaz" jimara xwe ya yekê derdixe
PWKyê Li Stenbolê Jenosîda Helebçeyê Bi Bîr Anî
Li Hewlêr, Silêmanî û Koyeyê êriş, 4 sivîl birîndar bûn
Sibe salvegera Helebceyê ye lê çalakiyên berfireh hatin betalkirin