Cîgirê serokê MHPê yê ji bajarê Agirîyê û mebûsê Stenbolê Celal Adan li ser axaftina Barzanî ku bahsa referandûmê ji Sekreterê Giştî yê NY re kirîye; peyamekê ku agîr jê dibare daye; çavsorî nîşan dide û kurdan tehdîd dike.
Cela Adan dibêje; "Li bajarê Tirkmen yê Kekûkê dalqandina paçewrayek/potikek facîayek e. Ev demekê dirêj e li Bakurê Iraqê û bi taybet jî li Kerkûkê listikek heye; di sala 2014ê de di bin navê şerê li dijî DAÎŞê de pêşmerge bi fiîlî dest danîye ser Kerkûkê; tabûyên Kerkûkê talan kirîye."
Adan weha dom kiriye;" Yên ku ti eserên wan li Kerkûkê tuneye û li ser Kerkûkê heq îddîa dikin; îddîayê weha li xwîna wan dikeve. Li hember vê îxanetê derketin, piştgirîya birayên Tirkmen û ji bo istîqbala wan divê her fedakarî bihê kirin; ev elzem e. Di nav rojhilata navîn di hundirê qazanê de wexta tirkmen dişewitin ji wan re xew tuneye. "
Serokê pêşmerga Barzanî wexta dihê Tirkiyê paçewraya wî bilind dikin, bitenê li hember vê yekê neteweperest û ulkucî reaksîyon nîşan didin. Niha jî Barzanî ji bo dewleta serbixwe bahsa refernadûmê ji Sekreterê Giştî yê YN re dike, Barzanî vê hêzê ji ku digre. Qedera Kerkûkê, Hewlerê û bajarên din yên Tirkmenan dê çi bibe? Îstîqbala sedhezar Tirkmenan dê terka însafa xayîn û çapûlcîyan bibe?
Ciyê pêşmerge lê abad be, hizûra Tirkmen û Tirkiyê ne mimkun e. Mesela ne meseleya partî û sîyasetê ye. Mesela istîqbala Tirkmen û Tirkiyeyê ye. Divê ji serokê pêşmerge re bê nîşandan ku yê bi zilmê abad bibe dê dawîya wî felaket be."
Dihê gotin ku Celal Adan ji bajarê Agirîyê ye û bi eslê xwe kurd e. Ji xwe di dîroka Tirkiyeyê de kesên ku eslê feslê wan ne tirk in ew zêdetir xizmetê ji Tirkiye û tirakan re kirine û dikin. Ev jî yek ji wan e.