Fermandariya Navendî ya Hêzên Amerîkayê (CENTCOM) ragihand ku wan ji ber dorpêça li ser benderên Îranê 37 keştiyên din vegerandine.
Fermandariya Navendî ya Hêzên Amerîkayê (CENTCOM) li ser hesabê xwe yê Xê derbarê mijarê daxuyaniyek belav kir.
Di daxuyaniyê de hat diyarkirin ku keştiyeke bazirganiyê ya ku yek ji 19 keştiyên "fîloya sîber" e li Deryaya Umanê hatiye rawestandin.
Wezareta Xezîneyê ya Amerîkayê bi hinceta ku ew keştî berhemên enerjiyê yên Îranê (petrol û gaza xwezayî) vediguhêze bazarên biyanî ceza lê sepandibûn.
Hat eşkerekirin ku ew keştî bi fermanên artêşa Amerîkayê ber bi Îranê ve hatine vegerandin.
Her wiha CENTCOMê amarên nû parve kirin û diyar kir ku ji destpêka dorpêçê ve wan 37 keştî vegerandine.
Serokê Amerîkayê Donald Trump, piştî ku pêvajoya dan û standinên li Pakistanê ya bi Îranê re bêencam ma, ragihandibû ku ew dê pêvajoya dorpêça li Tengava Hurmizê bidin destpêkirin.
CENTCOMê jî berê ragihandibû ku di dorpêça li ser benderên Îranê de zêdetirî 10 hezar leşker, bi dehan keştiyên şer û balafirên şer beşdar in.