Efserekî polîs li Diyale bi navê Elî Heyder ji BasNewsê re got, şeva borî terorîstên DAIŞê li devera Bawe Mehmûd ya Xaneqînê û gundê Şêx Bawe yê nahiya Gulale ya Xaneqînê êrişî hêzên Iraqî û Heşda Şeibî kirin.
Wî efserî da zanîn, di wê êrişê de fermandeyekî Heşda Şeibî bi navê Husên Rezaq hat kuştin.
Wî efserê Iraqî anî ziman ku terorîstên DAIŞê heman şevê li gundê Gulayî, ku dikeve navbera Xaneqîn û Gulale, bi qenasan êrişî hêzên Iraqî kirin.
Bi gotina wî polîsî, kuştiyên DAIŞê jî hene lê nayê zanîn çend kes in.