Li sînorê qeza Mexmûrê, çekdarên DAIŞê şeva borî êrîşî ser hêzeke artêşa Iraqê kirin.
Li gor Qaymeqamê Mexmûrê Rizgar Mihemed diyar kir: ‘‘Şeva borî komeke çekdarên DAIŞê hatine sînorê gundê Azî Kendo yê ser bi Mexmûrê û pişt re jî çûne sînorê gundê Qelatesoran a ser bi Mexmûrê û li deşta wî gundî êrîşî hêzeke artêşa Iraqê kirine, lê ne avêtine ser gund.’’
Herwiha Mihemed da zanîn: ‘‘Piştî êrîşê her du aliyan gule li hev berdane û pevçûn di navbera wan de derketiye, lê heta niha artêşa Iraqê zanyariyên hûr li ser ziyanên bûyerê belav nekirine.’’
Li sînorê qeza Mexmûrê, tevgera çekdarên DAIŞê zêde bûye û bi taybet bi şev êrîşî ser hêzên ewlehiya Iraqê û gundên navçeyê dikin.