Çekdarên girêdayî Tirkiyê yên li bajarê Efrînê yê Rojavayê Kurdistanê, li du gundan 520 darên welatiyan birîn û kirin êzing.
Rêxistina Mafê Mirovan ya Efîrn – Sûriyê ragihandiye ku çekdaran 500 darên berhemdar ên hinar û hirmiyan ên welatiyên gundê Kurzêlê yê Efrînê birîne ku 200 dar yên welatiyê bi navê Elî Hemo, 200 dar ên Merwan Hemo û 100 jî yên Ekrem Hemo bûn.
Hate diyarkirin ku li gundê Naza yê navçeya Şerayê jî, çekdaran 20 darên zeytûnan ên welatiyê bi navê Edhem Xelîl birîne.
Rêxistina Mafê Mirovan ya Efîrn – Sûriyê eşkere kir, ji destpêka îsal ve çekdaran 970 darên behmedar li Efrînê birîne û kirine êzing.