Jêderên xwecihî dan zanîn, çekdarên grûpa Sultan Silêman Şah (Emşat) roja 11ê Mijdarê 165 darên kakî li gundê Kurzêlê yê navçeya Şêrawa birîn.
Diyar kirin jî, ew dar ên welatiyekî gundê Kurzêlê ne û bi armanca firotana wan li bazaran wek êzing, hatine birîn.
Ji dema dagîrkirina herêma Efrînê ji aliyê artêşa Tirkiyeyê û grûpên çekdaran ve di Adara 2018an de, ji bilî tawanên kuştin, revandin, dizî û talana mal û milkên welatiyên Kurd, grûpên çekdaran dest danîne ser bi hezaran dar û zeviyên koçberên Kurd û bi dehhezaran dar birîne û wek êzing firotine.