Encûmena Parêzgeha Kerkûkê îro bi armanca dengdana liser referandûmê civiya û bi piraniya dengan biryar pesend kir.
Serokê Encûmena Parêzgeha Kerkûkê Rêbwar Talabanî di civîneke çapemeniyê de ragihandîye; “Encûmena Parêzgeha Kerkûkê bi piraniya dengan biryar da giştpirsî were kirin. Hemû tirkmen û erebên resen ên bajêr jî piştgiriyê didin vê biryarê.”
Talabanî eşkere kir, ku Encûmena Parêzgeha Kerkûkê biryara Parlamentoya Iraqê ya derbarê daxistina Ala Kurdistanê de jî red kir û diyar kir, ku dê Ala Kurdistanê li hemû sazî û dezgehên Kekrûkê were bilindkirin.
Serokê PAKê Mustafa Özçelik ji hesabê xwe yê Twitterê de; Biryara lidarxistina referandûma Kerkûkê pîroz kir. Û got, ev biryar ji bo hemû navçeyên ku mijara maddeya 140î ye divê êdî neyê texîr kirin, pêk bê.