Çavkaniyekî haydar li Rojavayê Kurdistanê, ku nexwast navê wî were ragihandin, ji BasNewsê re got, çend roj berê bi dehan tankerên veguhestina neftê yên şîrketa Husam Qatirçî, ku nêzîkî rêjîma Beşar Esed e, derbasî deverên di bin destê PYDê de bûne da ku nefta Rojava veguhezin parzûngeha Himsê.
Wî jêderî her wiha got, ji bilî bazirganiya neftê, rêveberiya Rojava genim jî difroşe rêjîma Beşar Esed.
Bi gotina wî jêderê BasNewsê, bazirganiya neft û genim di navbera rêjîma Beşar Esed, PYD û hêzên girêdayî Tirkiyê de jî didome, zêdebarî hebûna şer û pevçûnan. Ne vîrusa Koronayê ne jî sizayên Amerîka pêşiya vê yekê negirtine.