Partîya Demokrat a Kurdistana Îranê(PDKÎ) daxuyanîyek belav kiriye ku pêşmergeyekî partîya wan Resûl Mihemedzade di 26.10. 2016ê de di şerê dijî DAÎŞê de di cepheya Başîka de di dema pûçkirina mayinê de şehîd bûye.
Resûl Mihemedzade ji navçeya Saqizê li wîlayeta Sinê ya Rojhilatê Kurdistanê ye, di sala 2000 de tevlî refên partîyê bûye yek ji kadroyên wan ê Berpirsê Fêrgeha Komisyona Perwerdeyî û herweha şewirmendê Komîteya Merkezî ya PDKÎ bûye.
Her weha hat ragahandin Seîd Çurukkaya (Dr. Sileyman) ku ji bakurê Kurdistanê ye û bi dilxwazî di refên pêşmerge de di bin navê "Fermandarê Hêza Agirî" de li dijî DAÎŞê şer dike, ew jî di cepheya Başikê de wexta xwestîye mayinê pûç bike birîndar bûye.