Serokê Rêveberiya Herêma Kurdistanê Mesûd Barzanî îro bi rêya telefonê pêwendî bi Yûsif Ebdulezîz birayê Fermandeyê kurd Fêysel Seidun bi naznavê Ebu Leyla dihat naskirin kir û di şerê rizgarkirina bajarê Minbicê ji destê DAIŞ’ê jiyana xwe ji dest dabû, sersaxî li wî û malbata wî kir.
Barzanî di vê pêwendiya telefonî de ragihand: “Şehîd Ebû Leyla xortekî qehreman û wêrek ê Kobanî bû ku cane xwe yê paqij di rêya bergirîkirin li niştîman û azadiya gelê Kurdistanê de kire qurbanî.”
Wek dihê zanîn Ebû Leyla di 2ê Hezîranê de di operasyona rizgarkirina Mibicê ji detsê DAIŞê de bi giranî birîndar bibû û bo dermankirinê bi rêya helîkoptereke amerîkî ve bo Başûrê Kurdistanê hatibû veguhastin û 5ê Hezîran a 2016an li nexweşxaneya Şar a bajarê Silêmaniyê şehîd bibû û li Kobanî bi merasimeka girseyî hatibû binaxkirin.