Balyozê Îranê li Bexda ya paytexta Iraqê ragehand, bi derxistina Amerîkiyan a li Iraqê ve tola fermandarê hêza Qudsê tê standin.
Balyozê Îranê li Bexdayê Îrec Mescîdî di hevpeyvîneke li gel kanaleke Iraqê de ragehand, serokwezîrê Iraqê Mistefa Kazimî dostê Îranê yê kevne û peyvendiyên wan li gel baş in.
Îrec Mescîdî got, welatê wan naxwaze destwerdanê li karûbarên navxwe yên Iraqê bike û got: ‘’Me ti demekî siyaseta xwe li ser Iraqê ferz nekiriye.’’
Derbarê peyvendiyên welatê wan li gel wan grubên balyozxaneya Amerîkayê mûşekbaran dikin de jî got: ‘’Em nizanin kî balyozxaneya Amerîkayê bombebaran dike, em bo wî karî piştevaniya ti kesî nakin û em naxwazin Iraqê bikin qada şerê xwe yê li gel Amerîkayê.’’
Mescîdî kuştina Qasim Silêmanî û Ebu Mehdî Muhendîs jî wek tewaneke dîrokî pênase kir û got, ‘’Mafê Îranê yê tolhildanê heye.’’
Herwaha ragehand, tolhildan ne merce ku her bi rêya leşkerî ve be, ‘’Derxistina hêzên Amerîkayê ji Iraqê tolhildana xwîna Silêmanî ye.’’