Parlamentera Kurd a Partiya Keskan a Avûsturyayê Berîvan Aslan li ser nûçeyên derbarê plana sûîqesta wê ji aliyê Îstixbarata Tirkiyê (MÎT) ve daxuyanî da û got, plana sûqestê rast e, ev 9 roj in di bin parastina polîsên Avûsturyayê de me.
Piştî ku kesekî bi navê Feyyaz O. ji îstixbarata Avusturyayê re mikur hatibû û gotibû, MÎTê ew wezîfedar kiriye daku Berîvan Aslan û hin kesên din bikuje, plana sûîqestên îstixbarata Tirkiyê eşkere bûbû.
Her çiqas Tirkiye û medya wê red dike ku tiştekî wiha hebe jî Berîvan Aslan da xuyakirin, Feyyaz O ji îstixbarata Avusturyayê re mikur hatiye ku têkiliya wî bi MÎTê re heye û îstixbarata Avusturyayê jî ew agahdar kiriye ku ev 9 roj in di bin parastina polîsan de ye.