Navenda Ragihandinê ya Hêzên Ewlekariya Hundirîn (Asayîşa Rojavayê Kurdistanê) ragihand ku li Reqayê di encama operasyonekê de 8 DAIŞî hatine girtin.
Di daxuyaniyê de hate gotin, Hêzên Ewlekariya Hundirîn bi hemahengiya Hêzên Antîteror (HAT), berbanga 13ê Îlonê operasyonek ewlehiyê li bajarê Reqayê li dar xist û hate diyarkirin ku di encama operasyonê de şaneyeke DAIŞê ku ji 8 kesan pêk dihat hat girtin û miqdarek çek û cebilxaneyên bi wan re hatin desteserkirin.
Li gorî daxuyaniyê, şaneyê plana êrîşan li dijî ewlehî û istiqrara herêmê dikir.
Di daxuyaniyê de hate gotin ku dê operaasyonên li dijî komên çeteyan bidomîn û bang li xelkê hate kirin, eger tevgerên biguman bibînin hêzên ewlekariyê agahdar bikin.