Di vîdeoyeke li ser hesabê Facebook a Balyozxaneya Amerîka ya li Bexdayê de hat gotin: “Amerîka, Iraq bi awayekî demkî bo 45 rojan ji hawirdekirina gaza Îranê efû kiriye.”
Di vîdeoyê de hinek rayedarên balyozxaneyê bi Erebî diaxivin û dibêjin: “Cezayên Amerîkayê ne xelkê, reftarên rejîma Îranê dikin armanc.”
Iraq bo sotemeniya santralên karebayê gazê ji Îranê hawirde dike.
Dîrektorê Plansaziya Polîtîkayên Wezareta Derve ya Amerîkayê Brian Hook di 5ê Mijdara 2018a de diyar kiribû, ku Iraq ji cezayên Amerîka yên li ser Îranê hatiye efûkirin.
Serokwezîrê Iraqê Adil Ebdulmehdî jî beriya çend rojan anîbû ziman, ku welatî wî ji cezayên Amerîka yên li ser Îranê hatiye efûkirin, ji ber ku welatî wî di gengeşiyên herêmî de bêalî ye.