Mihemed Kerîm di daxuyaniyeke çapemeniyê de ragihand: “Pêşbînî dihate kirin ku Iraq ligel Rûsyayê peymana kirîna sîstema berevaniyê ya mûşekî S-3000 û S-400 bike, lê aliyê Amerîkayê li dijî vê mijarê sekinî û bi awayekî eşkere ji Iraqê re ragihand ku nahêle wê sîstema Rûsyayê bikire.”
Kerîm herwiha eşkere kir: “Amerîkayê ti sîstemek li şûna wê, nîşan neda, lê li ber kirîna sîstema Rûsî, bûye asteng û nahêle Iraq şiyana xwe ji aliyê berevaniya esmanî ve pêş bixe.”
Wezîrê Berevaniyê yê Iraqê Cume Inad bi yaweriya Serokwezîrê Iraqê Mistefa Kazimî serdana welatên Brîtanya, Fransa û Almanyayê kir û li gor zanyariyan, di wê serdanê de mijara pirçekkirina artêşa Iraqê, yek ji ajendayên civînên wan e.