Wezareta Karên Derve ya Amerîkayê li ser hilbijartinên rejîma Sûriyê daxuyaniyek belav kir û weke hilbijartinên ne azad binav kir.
Berpirsekî ji Wezareta Karên Derve ya Amerîka bi daxuyaniyekê diyar kir, hilbijartinên rejîma Sûriyê ne azad û ne jî pak bûn.
Berî destpêkirina dengdanê jî, di daxuyaniyeke hevbeş de, wezîrên karên derveyê yên her yek ji Amerîka, Brîtanya, Fransa, Almanya û Îtalya ragihandibûn ku hilbijartinên rejîma Sûriyê dê ne azad û dadmend bin.
Roja Çarşemê, 26ê Gulanê, hilbijartinên rejîma Sûriyê birêve çûn, ku 3ê berbijêran, di nav de Beşar el-Esed, serokê niha yê Sûriyê, kandîd bûn.
Tê bêşbînîkirin ku serokê Sûriyê yê niha Beşar el-Esed bêyî rikaberiyeke ciddî ji bo çaremîn xul wek serokê wî welatî careke din bê hilbijartin.