Di êvara 29.08.2025 de, Partîya Demokrat a Kurdistanê (PDK-Î), 80 salîya damezrandina xwe bi şahiyek girseyî li Swêde li bajarê Västeråsê pîroz kir.
Li gel Partîya Welatparêzên Kurdistanê -PWK) û HEVKARÎ ya partîyên Kurdistanî gelekî Nûnerên partîyên siyasî yên ji her çar perçeyên Kurdistanê, berpirsên komele û dezgehên sivîl yên Kurdistanî, beşdarî şahîyê bibûn.
Piştê bixêrhatin û li gel serûda neteweyî deqeyekî rêzgirtin bo pakîya canê şehîdên doza azadîya Kurdistanê.
Aheng ji du beşan pêk hat. Beşa yekem ya siyasî bû ku, axaftin, peyamên partiyên siyasî, yên komele û dezgeh û kesayetan hatin xwendin.
Beşa duyem jî bi muzik, şahî û govend heta derengê şevê domand.
Eva jî peyama Partîya Welatparêzê Kurdistanê-(PWK)ê ye:
Ji bo PDK-Î li Swêdê.
Rêzdaran, em wek Partîya Welatparêzên Kurdistanê (PWK) li Swêdê 80êmin salvegera damezrandina PDK-Î ê bi hestên biratîyê pîroz dikin.
Girîngiya tekoşîna we a bê hempa, di wan 80 salan de bûye şanazî û serbilindîya miletê Kurd û Kurdistanê. PDK-Î bi xebata xwe ya 80 salî li hember rejîma hov ya Îranê bûye hêzeke sereke li rojhilatê Kurdistanê.
Her waha sîyaseta PDK-Î ê bi têkilî û tifaqên xwe yên biratîyê di her çar perçên Kurdistanê bûye şanazîyeke mezin.
Bi hêviya berdewamîya têkilîyên biratîya PWK û PDK-Î ê, serkeftina we dixwazin. Serkeftina we li rojhilatê, serkeftina me hemû kurdan e.
Em careke din 80 salîya we pîroz dikin û silavên xwe yên germ û biratîyê bo we û bo ruhên Qazî Mihemed, Dr. Abdulrahman Qasimlo û hemû şehîdên Kurdistanê dişînin.
Bijî tekoşîna miletê Kurd.
Partîya Welatparêzên Kurdistanê,PWK/Swêd
29.08.2025