Wezîrê karên derve yê Iraqê, Misrê û Urdunê li Qahîre civiyan û ragihandin ku destekê didin çareseriya siyasî ya li Lîbyayê, Sûriyê û Fîlîstînê. Piştî civînê li Kahîre wezîrê karên derve yê Misrê Şukrî ragihand ku li ser arîşeyên her sê welatan rawestiyane û destekê didin çareseriyên siyasî li wan welatan.
Şukrî ragihand ku agahiyan di derbarê bendava Hedasiyê de ya ku Etiyopya li ser rûbarê Nîlê çêdike, dane wezîrên karên derve yên Iraq û Urdunê.
Wezîrê karên derve yê Iraqê Dr. Fûad Huseyîn di derbarê ewlehiya avê ya li Iraqê agahî da mekanizmaya Koordînasyonê û wezîrê Urdunê Safedî jî di derbarê doza Fîlîstînê de agahî da û got ku doza Fîlîstînê di Rojhilata Navîn de doza herî girînge.
“Mekanîzmaya Koordînasyona Sêqolî” di adara 2019 an de li Qahîrê hatibû avakirin.