Dadwerên Rêveberiya Xweser ji bo hevdîtinan gihîştin Şama paytexta Sûriyeyê.
Komîteya ku ji bo entegrekirina Saziya Dadê ya Rêveberiya Xweser a di nava Wezareta Dadê ya Sûriyeyê de hatiye erkdarkirin, ji Rûdawê re ragihand ku hejmareke dadwerên Rojavayê Kurdistanê çûne Şamê ku li gel berpirsên Wezareta Dadê ya Sûriyeyê bicivin.
Li gorî zanyariyên komîteyê, îro 15 dadwer wekî beşa yekem gihîştine Şamê.
Li gorî biryarê, bi giştî 100 dadwerên Rêveberiya Xweser bi çend beşan biçin Şamê bikin.
Hevdîtin yekşemê ne
Wezareta Dadê ya Sûriyeyê dê yekşemê hevdîtinên takekesî bi dadweran re bike.
Ev yek wekî gaveke destpêkê ye ji bo ku ew bi fermî li dadgehên parêzgeha Hisîçayê bixebitin werin pejirandin.
Ev gav di çarçoveya bendên peymana 29ê Kanûna Paşîn a 2026an a navbera HSD û Hikûmeta Sûriyeyê de tê avêtin.
Li gorî vê peymanê, dê saziyên Rêveberiya Xweser tevlî nava wezaret û saziyên hikûmeta Sûriyeyê bibin.
Her wiha di vê çarçoveyê de, 20ê Nîsana borî şandeyên pispor ên Wezareta Dadê ya Sûriyeyê cara yekem, serdana Koşkên Dadweriyê yên li Hisîça û Qamişloyê kir.