Nûnerê Taybet yê Amerîka yê bo Sûrîyê James Jefifrey dîyar kir ku li Iraq û Sûrîyê gefên Dewleta Îslamî (DAIŞ) didomin.
James Jeffrey di kongreyeka rojnemevanî da axivî û da zanîn ku di têkoşîna dijî DAIŞê de hevalbendên wan Hêzên Sûrîya Demokratîk (HSD) e û dîyar kir ku ew naxwazin ku ew zararê bibînin û ti kes êrîşê wan bikin.
Di brifînga li Wezareta Derve ya Amerîka de, Jeffrey aşkere kir ku Serok Trump bi awayekî zelal gotiye ku ew li ser soza xwe disekinin û divê ti kes êrîşê hevalbendên wan nekin.
Jeffrey dîyar kir ku wan û Tirkîyê ser herêma ewle li hev nekiriye û ew danûstandinê didomîn.
Ew bi berdewamî ser çekdarên DAIŞê yên di destê HiSDê de jî axifî.
Nûnerê Taybet da zanîn ku HSDê 10 hezar çekdarên DAIŞê girtine û ji van 8 hezar ji Sûrîye û Iraqê ne. Jeffrey got ku ew plan dikin ku çekdarên DAIŞê yên Sûriyê derxin pêş dadgehê.