Weşanxaneyê Roşna ra hîrêna kitabî vejîyayî. Emser bi 8 kitabî ke Weşanxaneyê Roşna ra weşanîyenê. Hetanî nika 54 kirdkî, 4 kurmancî û 2 hebî zî tirkî, pêro pîya 60 kitabê 40 nuştoxan Weşanxaneyê Roşna ra vejîyenê.
Weşanxaneyê Roşna ra hîrêna kitabî vejîyayî. Kitabo yewin yê Îrfan Sîmserkîsijî bi nameyê Tenyayîya Xwu de yo, tede 21 şiîrî estê. Îrfan Miyaran ra yo, verê cû bi nameyê Kal Mûsênî Zeydûnû (2012) û Sîmserkîs (Folklor) (2018) 2 kitabê eyê bînî zî weşanîyaybî.
Kitabo diyin yê Havîn Acar bi nameyê Li Min Binêre, kitabê şiîran o, tede 43 hebî şiîrê bi terzê serbestî estê. Havîn Acar Şirnex ra ya, no kitabê aye o verîn o.
Kitabê hîrêyin romanê Nadîre Güntaş Aldatmaz bi nameyê Xewn o. No roman verê cû bi nameyê Pîltane Weşanxaneyê Vateyî ra weşanîyabi (2016). Nika Roşan Lezgînî tercumeyê kurmancî kerdo.
Çime: Zazaki.net