Komîsyona Berze ya Weçînayîşî (YSK) sebebê betalkerdişê weçînayîşê Îstanbulî aşkera kerd.
Komîsyona Berze ya Weçînayîşî (YSK) sebebê betalkerdişê weçînayîşê Îstanbulî aşkera kerd.YSK qerarê xo de va: 754 sindoqan ser o kesê ke karmend nêbî amê wezîfekerdiş. No gorê qanunan nîyo. Qerarê YSK de îzah bi ke 706 kesê ke heqê înan çino ke ray bidê ray dayê.
Nê beyanatê YSK ser o CHP ya ke Beledîyeya Îstanbulî destê aye ra ameya girewtiş beyanat da, namê CHP ser o Verfekê CHP Faîk Oztarkî beyanat da.Verfekê CHP Faîk Oztarkî va''YSK ceza daya îradeyê şarî ro. 31’ê Adare de, vatişê şarî ney vatişê YSK û Îxtîdarî ameyo ca. No, roja demokrasî ya sîya ya.”
Seke yeno zanayîş weçînayîşê mehelî yê 31ê Adare de namzetê CHP Ekrem Îmamogluyî weçînayîş qezenc kerdbi û bibi serekê Beledîyeya Îstanbulî.La îtîrazê AKP û MHP ser o YSK weçînayîş betal kerdbî û qerarê newekerdişê weçînayîşê îstanbulî dabî.Weçînayîşê Îstanbulî do 23ê Hezîrane de bêro kerdene.