CHP û ÎYÎ Partî YSK ra waştibî ke wa tena Îstanbul de ney, pêruna qezayanê Îstanbulî de weçînayîş bêro newekerdene. La YSK heme muracat û îtîrazê AKP qebûl kerd.
La muracatê CHP û ÎYÎ Partî hetê YSK ra ame redkerdene. Sek zanîyeno YSK tena weçînayîşê Beledîyeya Girdî ya Îstanbulî betal kerdbî û qezayanê Îstanbulî de weçînayîş betal nêkerdbî. Naye ser Mazbataya Serekê Beledîya Îstanbulî Ekrem Îmamogluyî destê esy ra ameybî girewtiş û beledîyeya Îstanbulî rê Walîyê Îstanbulî sey qeyûm amebi tayînkerdiş..
YSK îtîrazê AKP ser o qerar dabî ke weçînayîşê îstanbulî do 23ê Hezîrane de bêrê newekrdene. CHP hem waştbî wa weçînayîşê Serekkomarî yê 24ê Hezîrane bêro betalkerdiş û hem mazbataya Serekkomar Recep tayîp Erdoganî bêra betalkerdiş û hem pêrûna qezayanê Îstanbulî de weçînayîş bêro newekerdene. YSK nê watişê CHP red kerd.
Eke merdim gorê prosesê weçînayîşê 31ê Adare biewno ci ra hema vaje YSK heme muracat û îtîrazê CHP, Partîya Saedetî, Îyî Partî û HDP red kerdê. La YSK heme muracat û îtîrazê AKP qebûl kerd.