Şer li derdora bajarokê Bilbilê berdewam e YPGê ragihand ku wan dîsa bajarokê Bilbilê ji destê artêşa Tirkiyê û çekdarên Artêşa Azad a Sûriyê der anîne.
Di vîdyoyekê de Yekîneyên Parastina Jinan (YPJ) dîmenên teqîna tankekê artêşa Tirkiyê li gundê Heftaro ya ser bi bajarokê Bilbilê ve ragihand. Di dîmenan de tê diyarkirin ku tankeke artêşa Tirkiyê bi rokêtê teqandin.
YPJê ragihand, tîmeke wan a taybet bi navê tîma Bahoz bi vî karî rabûne û tanka artêşa Tirkiyê li nava gundê Heftaro teqandine.
Artêşa Tirkiyê jî teqandina tangek xwe piştrast kir û ragihand 5 leşkerên wan canê xwe ji dest dane.