Yewîya Baroyanê Tirkîya seba ke ‘Bawerîya şarî xirab xebitnaya’ gerreyê wezîfedaranê Kizilayî kerd.
ewîya Baroyanê Tirkîya (TBB), seba ke ‘Bawerîya şarî xirab xebitnaya’ Sergozgerîya Komare ya Anqara de gerreyê wezîfedaranê Kizilayî kerd
TBByî, eşkerayîya xo yê gerrekerdişê Kizilayî de nê çîyî vatî; ‘‘Karê sereke yê Kizilayî o yo ke, seba rayapêroyî bixebitîyo. Wexto ke cayêkî de felaketêke bivirazîyo, seba ke cuya însanan bipawo, weşîya însanan bipawo, têkoşînê vera vêşanîye bipawo û seba ke setargehan bivirazo, çadirê ke emanetê ey ê, gere bierşewo cayê felakete.’’
‘Vera huqûqê heqê merdiman o’
Dewamê eşkerayîye wina ya; ‘‘Cayo ke hewce bikero, seba ke çareserkerdişê probleman, seba setarkerdişê welatîyan gere bi lez û bez xo biresno herême, bi raya şîrketanê ke awan kerdî, rotişê çadiran goreyê qanûnanê ke Kizilay girêdayîyê înan a, no sûc o û gere wezîfedarê Kizilayî bêrê cezakerdene. Cezayî ra vêşêr zî no vera huqûqê heqê merdiman o, vera qeydeyanê Heyva Sor a Mîyanneteweyan o.’’
Dimayê erdlerzê Mereşî vejîya meydan ke Kizilayî erdlerzî ra dima çadir û zexîre rotî AHBAPî rê, şar reaksîyon nîşan da.