OCHA: Yemen de rîyê şerê zereyî ra heta nika 233 hezar kesî ameyê kiştene

Gorê Ofîsa Kordînasyonê Ardimê Însanî yê Neteweyê Yewbîyayî (OCHA), Welatê Yemenî de rîyê şero ke serra 2015î ra nata dewam keno ra 233 hezar kesî merdê û humara merdeyan resaya sewîyeyêka krîtîke.

Heto bîn ra ame waştene ke wa derxal adirbes bêro îlankerdene.

Yemen de mabênê hêzanê hukmatî û Husîyê ke Îran desteg dano înan de şer esto. Paytextê Yemenî û çend cayê bînî serra 2014î ra nata destê Husîyan de yê. OCHA beyan kerd ke, Yemen de serra 2020î de pêrodayîş zêde bîyo û tena emser 1500 sîvîlî ameyê kiştene.

Koalîsyono ke Erebîstanê Siudî rayberîya ci keno, Adara 2015î ra nata vera Husîyan desteg dano Hukmatê Yemenî