Fonê Gedeyan ê Netewê Yewbîyayî (UNICEF) aşkera kerd ke, Yemen de di mîlyon gedeyî nêeşkenî şêrê mekteban, înan ra nêm mîlyonî zî Adara 2015'î ra nata mektebe xo ca verdayê.
UNICEF'î bi wesîleya destpêkerdişî ya serra perwerdeyî ya newîye yê Yemenî de îzehetêk weşana û da zanayîş ke di mîlyon gedeyî nêeşkenê şêrê dibistan.
Goreyê UNICEF'î seba ke di serran ra nata meaşê mamostayan nêno dayene, perwerdeyê 3.7 mîlyon wendekarî zî rewşêka biqesawete de yo. Temsîlkara UNICEF'î ya Yemenî Sara Beysolow Nyante vat, "Şîdet, koçkerdiş û hêrişî benî sedem ke zafê domanî nêeşkenê şirê dibistan. Seba ke di serran ra zêdêr meaşê mamostayan nênê dayene senînîya perwerdeyî zî binê rewşêka biqesawete de yo."
Şerê Yemenî sîstemê perwerdeyî mehf kerd. Her panc dibistanan ra yewî wina bîyo ke hînî nênê xebitnayene.