Sosyolog Hasan Harmanciyî mintiqayanê Yarsanan ra gêrayo û derheqê înan de malûmatî dayê arê. Harmanci vano Yarsanî xo sîstem û zulmê dewlete ra pawenê.
Sosyolog Hasan Harmanciyî mintiqayanê Yarsanan ra gêrayo û derheqê înan de malûmatî dayê arê. Harmanci vano Yarsanî xo sîstem û zulmê dewlete ra pawenê.
Sosyolog Hasan Harmanci demêk ra ver şîyo Kurdistanê Rojhelatî ra gêrayo û Yarsanan ser o cigêrayîşî kerdê. Hasan Harmanciyî ajansa Pîrhayî rê qisey kerdo. Harmanci vano kultur û bawerîya Yarsanan zaf maneno yê Elewîyan. Harmanci vano, “Yarsanî îbadetanê xo dergehan de kenê û nê dergahî xoser ê û girêdayîyê cayêkî nîyê.
‘Yarsanî girêdayeyê rîtuelanê xo yê’
Harmanci vano, “Dergahê Yarsanan cayanê dîyarkerdîyan de yê. Ê timûtim dergahanê xo de bi bawerîya xo cuwîyenê. Heta 20 serran ra verî Elewîyan zî pêro îbadetanê xo dergahan de kerdêne. Yarsanî hema zî wayîrê dergahanê xo vejîyenê.
‘Yarsanî û Elewîye manenê yewbînî’
Hanmanciyî va, “Elewîyan de rojeyê Xizirî, Newroze û Muherremî estê. Yarsanan de tena rojeyê Şah Sahakî esto û hîre roj o. Newroze înan de zî zaf muhîm a. Yarsanî Muherremî nêzanê. Mezelê înan zî taybet ê. Merdim eşkeno berkoleyanê înan ra bawerî û felsefeyê înan fam bikero. merdim eşkeno mezelanê înan ser ra peya şêro. Mezelê înan berz nîyê sewîyeya erdî de yê. Berkoleyanê înan ser de bi goranî vateyê qedîmî ca genê. Ê raşta zî xo m3iyan de zaf girewte yê. Sunnî û şîîyî nêşkenê nêzdîyê dewanê înan bê. Ê elewîyan ra zaf xeberdar nîyê. Mi va ez Elewî ya la seba ke zimêlî mi çin bî seke înan zaf bawer nêkerd. Zimêlî înan de zaf muhîm ê. Ma uca de dî ke komelêk senî cuya xo dormaleyê bawerîya xo de cuwîyena.”
ERSÎN OZGUL - PÎRHA