Wêke şêwazeke kirêt a tundûtûjîya li dijî jinan, 'şewitandin' li Başûrê Kurdistanê hê jî berdewam e.
Hat ragihandin, li navçeya Koyê ya ser bi parêzgeha Hewlêrê, doh êvarkî, jineke 32 salî şewitîye.
Rêvebirê polêsê Koyê Elî Avdila daye zanîn ku rewşa jina ku xwe şewtandîye, pir giran e û di bedena wê de gelek der bi giranî şewitîye.
Li gor agahîyan, wê jinê rakirine nexweşxaneyeke li Hewlêrê.
Di medyaya civakî de hatîye belavkirin ku pirsgirêk di navbera wê û mêrê wê de hebûn.
Hê jî ne dîyar e ka ew bixwe xwe şewitandîye an ji alîyê mêrê wê ve hatîye şewitandin.
Lêpirsîn berdewam e.