Merkezê Xeberab - Seatanê sere sibayî de merkezê Agirî de polîsan eşt keyeyan ser. Sereştişan de serekê Sendîkayanê Karkeranê Şorişgêran ê Tirkîye (DÎSK) yê Şûbeyê Agirî Ersîn Erinçik, hemserekê Partîya Demokratîke ya Şaran (HDP) yê Bajarî Îsmaîl Çiftçî, îdarekarê partîye Omer Taş û Sabrî Taşdemîr û îdarekaro verên ê Partîya Herêmanê Demokratîkan (DBP) Hamît Taşdemîr ameyî tepiştene.
Heto bîn ra Hemserekê Partîya Demokratîke ya Şaran (HDP) yê Bedlîsî Rumet Dursun sereştişê keyeyê ci yê qezaya Tûxî de ame tepiştene.
Taxa Qosarî ya qezaya Hewengî ya Riha de polîsan serê sibayî eşt keyeyan ser. Sereştişan de Mehmet Yildirim, Kenan Yildirim, Muslum Yildirim, Yilmaz Dogan, Tacettîn Gul, Abdullah Polat, Mustafa Yildiz, Îskender Şeker, Emîn Zîncîrkiran, Mahmut Pehlîvan, Ayhan Atmaca û Mustafa Taş ameyî tepiştene.