Hevserokê Desteya Rêvebir a Tevgera Civaka Demokratîk (TEV-DEM) Aldar Xelîl di hevpeyvîna xe ya rojnameya The Washington Postê de siyaseta Amerîka ya li hember êrişa Tirkiyeyê li dijî Efrînê kir û got: "Kurdên sûriyeyê dibin qurbana vî şerî."
Aldar Xelîl di axaftina xwe de dibêje: "Ji ber êrişên Tirkiyeyê yên li ser Efrînê, şervanên Yekîneyên Parastina Gel (YPG) neçar mane xwe ji Dêra Zorê vekişîn û ber bi Efrînê ve biçin ev jî dibe sebeba valahiya ewlehiyê û bihêzbûna DAIŞê li wan deveran."
Xelîl di dirêjiya axaftina xwe de li hemberî siyaseta Amerîkayê dilgiraniya xwe nîşan daye û dibêje: "Ev çend hefte ne, Tirkiye wek hevpeymanê Amerîka û NATOyê, êrişî Efrînê dike lê Amerîka bê helwest e û helwesta xwe guhertiye. Em ji Amerîka daxwaza helwesteke zelal beramberî şerê li Efrînê dikin."