Ozlem Turecî û Ugur Şahînî aşîya Covîdî aver berdibî. Xelatê zanistî yê muhîmî yê Almanyayî Paul-Ehrlich û Ludwig Darmstaedterî dîyayê înan.
Prof. Dr. Ozlem Turecî û Prof. Dr. Ugur Şahîn aşîya Covîdî ya Biontechî aver de berde û na aşî pêro dinya de ameye şuxilnayîş û barê nêweşîye xeylê kerde şenik. Nê her di doktorî eynî wext de wayîrê şîrketa Biantechî yê. Xelata Zanistî ya Pîle ya Almanyayî emser dîyaye înan.
Merasîmê xelate Frankfurt de Dêra St. Paulsî de virazîya. Merasîmî de serekê Weqfa Paul Ehrlichî Thomas Boehmî va, “Seba ke Ozlem Turecî û Ugur Şahînî RNAyî ser o xebitîyayê û înan o aver de berd, coka ma xelata zanistî ya pîle danê înan. Ugur Şahînî v ama na xelate bi nameyê pêro dinyaya zanistî genê û ma pê sereberz bîyê. Reyna Şahînî va, “xebata ma ya ke ma mRNAyî ser o kerda do seba nêweşîya kanserî zî biba dermane. Xebatê ma yê nê wareyî do dewam bikerê.”