Xelata Heqanê Merdiman a Weimarî dîyaye Hemserekê verênî yê HDPyî Selahattîn Demîrtaş ke 2016 ra nata tepişte yo.
Xelata Heqanê Merdiman a Weimarî dîyaye Hemserekê Pêroyî yê verênî yê HDPyî Selahattîn Demîrtaşî. Demîrtaş 3ê teşrîna peyêne ya 2016î ra nata Zîndanê Edîrne de tepişîyeno.
Komelê Şaranê Binê Teklukeyî (GfbV) perey da zanayene ke înan pêşnîyazê komîteya xelate ya Meclîsê Şaredarîya Weimarî qebul kerd û xelate daye Demîrtaşî. Komelî da zanayene ke Demîrtaş sîyasetmedaranê muxalîfan ê tewr girîngan ra yew o û o çareserîya demokratîke ya meseleya kurdan, demokrasî, azadîya bawerîyan, têdûştîya heqan paweno.
Merasîmê xelatdayîşî menga kanûne de do bêro kerdene.