Hat ragihanin ku di şewata li Çiyayê Mastar ê li Xarpêt a Bakurê Kurdistanê de, 150 donim erd şewitî ye.
Agir ji doh 20ê Tîrmehê ve li Çiyayê Mastar ê li gundê Koçkale yê girêdayî navenda Xarpêtê derketibû û heta îro Çarşemê jî berdewam dike.
Doh Sêşemê piştî 3 demjimêran a xebata Rêveberiya Herêmê ya Daristanê û Rêveberiya Agirvemirandinê ya Şaredariya Xarpêtê şewat hatibû kontrolkirin, lê bi sedema bayê zêde careke din agir dest pê kir.
Hîn derbarê sedema derketina agir û rewşa dawî de ti daxuyaniyek ji sazî û rayedarên fermî nehatiye dayîn.