Merkezê Xeberan- Rojnameyê Wall Street Journalî (WSJ) yê Amerîka aşkere kerd ke, qasê 9 hezar û 500 domanê çekdaranê DAIŞî kampê Hesekê yê Rojavayê Kurdistanî de mîyanê rewşêka xirabe manenê û tehlûke esto ke nê domanî bibê kadroyê DAIŞî.
Ewro WSJê seba domanê ke kampanê HSD de manenê raporêk vila kerd. Rapor de vajîyeno ke, qasê 9 hezar û 500 domanê çekdaranê DAIŞî kampê Hesekê yê Rojavayê Kurdistanî de manenê. Xeylê dewletî zî red kenê ke welatiyanê xo yê DAIŞî peyser bigîrê.
Raport de îzeh beno ke tayn cinîyê DAIŞî kampanê Hêzê Sûriyeya Demokratîke de bi ardimê qeçaxçîyan yenê remnayîş.
Kampa Holî de qasê 71 hezar kesî ca gênê, qasê 60 hezar Sûrîyeyijî û Iraqijî estê û 11 hezar kesî zî xerîb ê.