Merkezê Xeberan - Dîrektorê Pêroyî yê Teşkîlatê Weşîye yê Dinya Tedros Adhanom Ghebreyesûsî, derheqê vîrûsê korona de îqazêk da û îzah kerd ke, janê korona pêroyê dinya de ver bi xirabîye şono.
Tedros Adhanom Ghebreyesûsî Cenevre de bi video konferansî kombîyayîşê çapemenî kerd.
Ghebreyesûsî ard vîr ke, gelek welatî vera virusê Korona tedbîrê xo kerdî sist û îqaz kerd ke hema tehlûkeyê Korona dewam keno û virus her çiqas şino vila bena.
Ghebreyesûsî da zanayîş ke, pêroyê dinya de hûmara weqayanê vîrûsê korona 7 milyonî vîyarta û qasê 400 hezar kesî rîyê ey ra merdî û va: Ewropa de rewşe hewl bena. La pêroyê dinya de wazîyet xirab o.