Serekê Teşkîlatê Weşîye yê Dinya (WHO) Tedros Adhanom Ghebreyesusî va ke, vîrusê korona hema nêresayo sewîyeya xo ya tewr berze.
Ghebreyesusî da zanayîş ke, peynîya nê hewteyî de 400 hezar nêweşê newî yê vîrusê korona ameyê tespîtkerdiş û hûmara merdeyan rojane mabênê 5000 û 6000 de vuryena.
WHO dano zanayîş ke seba zêdebîyayîşê testan û hûmara nêweşanê neweyan bena berze û ya merdeyan zî sabît a.
La, mesulanê WHOyî yê binan ra Mike Ryanî aşma Hezîrane de hûmara nêweşan zêde bîya û hema înan ra zêde merdişî nêbîyê.
Ryanî îzah kerd ke, beno ke sibaroj hûmara merdeyanê vîrusê korona zaf zêde biba.
Gorê malumatanê Unîversîteya Johns Hopkinsî, pêroyê dinya de 11,7 mîlyon kesî vîrusê korona kewtê û 542 hezar û 310 kesî zî merdî.