Wezîrê Karanê Teberî yê Yunanîstanî Nikos Dendiasî vizêr Tirkîya zîyaret kerd û Wezîrê Karanê Teberî Mevlut Çavusoglıyî de pîya vejîya kamerayan ver. Weşanê ganî de mabênê di wezîran de minaqeşe vejîya.
Dendiasî babetanê sînorê dengizî, koçberîye, tedayan de Tirkîya rexne kerde. Dendiasî îzah kerd ke, Tirkîya goreyê peymananê mîyanneteweyîyan tênêgêrena û vat: ''Tirkîya nêeşkena ders bida Yunanîstanî. Pozîsyonê Yunanîstanî zaf zelal o la Tirkîya peymanan binpay kena.''
Nê rexneyan ser o Çavuşogluyî vat: ''Ma qet babeta koçberan vera Yewîya Ewropa û Yunanîstanî nêşuxilnaya. Polîtîkaya ma ca de bî.''
Çavuşogluyî Yunanîstan pê cîyakerîya misilmanan sûcdar kerd.