Merkezê Xeberan - Ewro 02.04.2020 hukmatê Îsraîlî aşkere kerd ke, wezîrê weşîye Yaakuov Litzman û cinîya ey bi vîrusê korona kewtê.
Wezîrê weşîye yê Îsraîlî Haham Yaakuov Litzman 71 serre yo û destpêkê vejyayîşê vîrusê korona ra seba astengkerdişê vîrusa korona waştbi wa qedexeyê kombîyayîşî cayanê îbadetî de nêro îlankerdiş û çapemeniya Îsraîlî zî nê waştişê ey sey sebebê zêdebîyayîşê janê vîruse korona nîşan dabî.
Wezaretîya weşîye ya Îsraîlî aşkere kerd ke, wezîrê weşîye û cinîya ey do bikewê binê karantînaya doktoran.
Heta naka hezar û 211 kesî Îsraîl de bi vîrusê korona kewtê û û 30 kesî zî merdê.