Wezîrê Karanê Teberî yê Iraqî Fuat Hesenî eşkera kerd ke hêrişê Zaxoyî hetê dewleta tirke ra ameyo kerdene û îfade kerd ke ê do serebûtî biresnê Konseya Asayîşî ya Neteweyanê Yewbîyayeyan.
Wezîrê Karanê Zereyî yê Iraqî Fûad Hesenî pare kerd ke dima ke pisporanê asayîşî û mesuldaranê leşkerîyan hêrişê Zaxoyî ser o cigêrayîş kerd, resayî a netîce ke dewleta tirke hêriş kerdo.
Fûad Hesenî derheqê qirkerdişî de çapemmenîye rê qisey kerd. Hesenî ard ziwan ke pispor û mesuldaranê leşkerîyan hêrişî ser o cigêrayîş kerdo û vat: ''Netîceya cigêrayîşî de eşkera bi ke topvaran hetê artêşa Tirkîya ra ameyo kerdene.''
Hesenî da zanayene ke erdê Iraqî de estbîyayîşê Tirkîya nêno qebulkerdene û vat: ''Tirkîya bi desan dewê Kurdîstanê Iraqî îşxal kerdê û şarê sivîlî kişena.''
Wezîrê Karanê Teberî yê Iraqî Hesenî dîyar kerd ke ê do serebûtî berê Konseya Asayîşî ya Neteweyanê Yewbîyayeyan.