Wezîrê derve yê Îranê dê serdana paytexta Herêma Kurdistanê Hewlêrê dike.
Îro 26.04.2021ê wezîrê derve yê Îranê Mihemed Cewad Zerîf ji bo serdaneke fermî geheşt paytexta Iraqê Bexdayê.
Mihemed Cewad Zerîf li gel wezîrê derve yê Iraqê Fuad Husên civiya û guftûgo derbarê peyvendiyên Bexda û Tehran û pêşhateyên navçeyê de kirin.
Biryare wezîrê derve yê Îranê îro li gel serokwezîrê Iraqê Mistefa Kazimî jî bicive.
Li gor zanyariyên ku hene Mihemed Cewad Zerîf sibe 27.04.2021ê dê serdana Hewlêrê bike û li gel berpirsên payebilind ên Herêma Kurdistanê bicive.
Biryare piştî serdana Hewlêrê, wezîrê derve yê Îranê serdana Qeterê bike.