Merkezê Xeberan- Seba ke Tirkîya dest ci kerda ke hêrişê Rojavayê Kurdistanî biko her hetê dinya ra Tirkîya yena şermezarkerdiş. Qerarê serekê Amerîka Donald Traumî zî sey ‘xîyanet’ yeno vînayîş.
Her hetê dinya de polîtîkayê Erdoganî yê vera Kurdan yenê şermezarkerdene. Seba ke Tirkîya dest ci kerda ke hêrişê Rojavayê Kurdistanî biko, her hetê dinya ra Tirkîya yena şermezarkerdiş. Qerarê serekê Amerîka Donald Traumî zî sey ‘xîyanet’ yeno vînayîş.
Wezîra Edeletî ya Îsraîlî ya vêrîne Ayelet Shaked hesabê xo yê Twitterî ser ra seba Kurdan beyanat da.
Wezîra Edeletî ya Îsraîlî ya vêrîne Ayelet Shaked wina va:
Kurdî şaro ke dewleta înan çin ya yê. Qederê Kurdan maneno qederê Yahûdîyan. Kurdî yew dewlete heq kenî. Kurdan vera terorîstanê DAIŞî şer kerd û zaf gonîya înan rişîya. Ez dewleta Tirkîya şermezar kena. gere dewletê Ewrupa kişta Kurdan de ca bigîrê.