Navenda Nûçeyan - Roja yekşemê Rêveberê Giştî yê Dîwana Wezareta Tendirustîya Herêma Kurdistanê Dr. Xalis Qadir ji BasNewsê re axivî û got:” Vîrusa Koronayê niha ne di bin kontrole de ye û jimara berketîyan zêde dibe û sedema zêdebûn û berbelavbûna vîrusa Koronayê jî pabendnebûna xelkê bi tedbîrên nexweşîya Koronayê ye.”
Herwiha Dr. Xalis Qadir got: “Di nava 3 hefteyên berê de xelk pabendî tedbîran nebûn. Weke ku hîç tiştek nebûbe, mixabin hinek kesan jî bêbawerî û di nava xelkê de belav kirin û ew jî bû sedem ku dûbare nexweşê zêde bibe û berbelav bibe. “
Di berdewamîyê jî Dr. Xalls Qadir hişyarî da û got: "Eger xelk wiha berdewam bin û guh nedin tedbîran û bi taybetî bi qerebalixî tevbigerin û bêmask û lepik bikar neynin û destên xweşon jimara berketîyan 2 beramberî niha bibe û mirin çêbibe û haletên qurs ê vîrusê pêk werin.