Wezareta Navxwe ya Hikûmeta Herêma Kurdistanê bersiva Tevgera Goranê da û red kir, ku ti fermanberên ser bi vê wezaretê ve destê wan di saxtekariya di hilbijartinan û çêkirina regeznameyên saxte de hebûbe.
Rêveberê Giştî yê Dîwana Wezareta Navxwe ya Herêma Kurdistanê, Dr. Samî Celal ji Rûdawê re ragihand, ew weke wezareta navxwe red dikin ku destê fermanberên wan di mijara saxtekariyê de hebe û diyar kir, eger ku Tevgera Goranê belge hene, bila wan bengeyan nîşan bidin.
Dr. Samî Celal herwiha got, xerakirina navan karekî nebaş e û mafê wan e ku rêkarên yasayî li hember wan tometan pêk bînin.